Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Spezzjonijiet fit-toroq u fuq il-bus stops...155 immigrant jintbagħtu lura pajjiżhom

Is-sena li għaddiet biss instabu 109 persuni li kienu f'Malta b'mod illegali

Albert Gauci Cunningham / 26 ta' Frar 2019 09:30
Il-gazzetta ILLUM tista’ tiżvela illi matul l-2017 u l-2018, minn spezzjonijiet li saru mill-Pulizija, 155 immigrant inqabdu bla dokumenti u ntbagħtu lura pajjiżhom.

Kelliema għall-Ministeru tal-Intern u Sigurtà Nazzjonali qalet ma’ din il-gazzetta illi n-nazzjonalitajiet tal-persuni li nqabdu bla dokumenti jvarjaw, tant li hemm 38 nazzjonalità differenti. Qalet ukoll iżda li hemm predominanza ta’ immigranti mis-Serbja.

Ir-rondi qed isiru b’diversi modi, ħafna drabi minn pulizija pajżana fuq bus stops, fit-toroq u anke fuq tal-linja. Il-Pulizija jmorru fuq persuni li jidhru barranin, jieħdu d-dettalji tal-persuna u jekk ikun hemm bżonn jieħdu azzjoni.

Fl-2017 waqt ir-rondi nstabu 46 persuna li rriżultaw li kienu Malta b’mod irregolari filwaqt li fl-2018 instabu 109 persuni.

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook