Jekk 'Chris Fearne' jibgħatlek 'hello how are you doing?' aħjar ma tkellmux

Isir profil falz tal-paġna ta' Facebook ta' Chris Fearne...il-Ministeru jappella biex isiru rapporti fuq Facebook...

25 t'Ottubru 2018 13:32
minn Albert Gauci Cunningham

Il-messaġġ mill-profil falz ta' Fearne...

L-uffiċċju tad-Deputat Prim Ministru lbieraħ ġie infurmat li persuna mhux magħrufa bdiet tibgħat messaġġi fuq profil falz ta’ Facebook lill-pubbliku bir-ritratt tad-Deputat Prim Ministru Chris Fearne.

Dan l-account fittizju qed juża l-isem ta’ Chris Ferne.

Dawk kollha li qegħdin jirċievu Messenger minn dan l-account għandhom jirrapurtaw ma’ Facebook immedjatment. Jekk persuna jkollha dubju għandha tikkuntattja lill-customer care fl-Uffiċċju tad-Deputat Prim Ministru u l-Ministeru għas-Saħħa.

L-uffiċċju tad-Deputat Prim Ministru rrapurtaw ukoll l-fake profile lil Pulizija.