Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Falza stikka mir-Ryanair! 190 passiġġier jibqgħu bla kumpens

190 passiġġier li kellhom titjira tar-Ryanair kkanċellata jew li ġiet ittardjata, jibqgħu b'xejn minħabba ċekkijet mhux iffirmati

Albert Gauci Cunningham / 23 t'Awwissu 2018 13:43
190 passiġġier tal-linja tal-ajru Ryanair irċevew ċekkijiet mhux iffirmati bħala kumpens għal dewmien li sofrew xi xhur ilu, bil-konsegwenza li l-banek ma aċċettawx tali ċekkijiet u allura l-kumpens ma ngħatax. Minkejja dan, il-banek xorta ħa €20 f'tariffa. 

Żvela dan l-inċident is-sit BBC li kkwota mara tgħid li kienet ilha 11-il xahar tistenna l-kumpens, biex mhux talli ma ħaditx dan il-kumpens talli ċ-ċekk ma setax jissarraf u kellha tħallas lill-bank it-tariffa ta' €20, jiġifieri spiċċat minn taħt. 

Minn April li għadda iktar minn miljun passiġġier fl-Ewropa kellhom titjiriet ikkanċellati jew li ġew ittardjati, skont il-figuri tal-kumpanija Ryanair stess. 

Ryanair apoloġizzat għal dan l-iżball li ħalla 190 minn 20,000 passiġġier bla kumpens u qalet li dan kien 'żball amministrattiv'. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook