Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Keith Schembri; 'M'għandi ebda għarfien ta' ħlas'

Iċ-Chief of Staff tal-Prim Ministru Keith Schembri jiċħad u jgħid li '17 Black' kienet parti mill-pjani tan-negozju tiegħu...

Albert Gauci Cunningham / 18 t'April 2018 19:57
Fl-ewwel reazzjoni għall-istorja illi '17 Black' rċeviet flus kbar mis-Seychelles u anke minn Aġent Lokali tat-Tanker LNG u li allegatament kellhom imorru fil-kumpanija li kellu fi-Panama, ċ-Chief of Staff tal-Prim Ministru Keith Schembri ma ċaħadx il-preżenza u l-fatt li hu relata ma' 17 Black. Fil-fatt hu jgħid li 17 Black u l-kumpanija l-oħra MacBridge "kienu parti mill-pjani ta' negozju tiegħi bħala klijenti potenzjali."

Schembri qal li l-kumpaniji tiegħu jagħmlu tużżani ta' pjanijiet u qal li l-ebda tranżazzjonijiet ma kienu qatt rrekordjati minn dawn il-kumpaniji għalih. "M'għandi l-ebda għarfien ta' dan l-allegat ħlas."

Konrad Mizzi jiċħad ukoll

Meta mistoqsi mill-Proġett Daphne, Konrad Mizzi qal li ma kien hemm l-ebda rabta bejn il-kumpaniji, it-trust u l-kumpanija 17 Black. Kelliem insista ma’ dak li dejjem qal il-Ministru Mizzi, jiġifieri li Hearnville qatt ma kellha kont bankarju u li qatt ma rċeviet flus mingħand ħadd.

Fost temi oħra, ir-rapport li ħareġ il-Kumitat PANA kien jisħaq li l-FIAU ma weġbitx meta mistoqsija dwar il-kumpanija 17 Black u l-eksMinistru u eks-Kummissarju Ewropew John Dalli. 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook