Politika Kronaka Soċjali Intervisti Zekzik Poodle Għawdex Qrati u Pulizija

Zarb jakkuża lit-tobba li strajkjaw li 'abbandunaw lill-pazjenti'

F'dibattitu ma' Gejtu Vella, Tony Zarb jakkuża lit-tobba li kisru l-ġurament li ħadu biex jissalvagwardjaw lill-pazjent...

Albert Gauci Cunningham / 12 ta' Frar 2018 19:15
L-eks Segreatraju Ġenerali tal-General Workers Union Tony Zarb sostna illi t-tobba li strajkjaw minħabba nuqqas ta' qbil serju dwar il-ftehim tal-Gvern mal-VGH "abbandunaw lill-pazjent." Waqt li kien f'dibattitu mal-eks Segretarju Ġenerali tal-UĦM Gejtu Vella fuq il-programm NET Live, Zarb saħansitra qal illi dawk li pparteċipaw fl-istrajk kienu qed jiskru l-ġurament li ħadu biex jissalvagwardjaw lill-pazjent. 

"Ħallewhom lampa stampa lill-pazjenti..." sostna Zarb. Vella qal li dak li kien qed jgħid Zarb kien żbaljat u li l-Assoċjazzjoni Medika Maltija (MAM) kellha u għandha kull dubju loi tagħmel strajk. 

"J'Alla jsibu soluzzjoni mal-Gvern (il-MAM), biex ma jerġgħux jispiċċaw 3,000 pazjent abbandunati," temm jinsisti Zarb. 

Ftit tal-mumenti ilu ġiet fi tmiemha laqgħa oħra bejn il-Gvern u l-MAM li kienet inkonklussiva. Iż-żewġ partijiet se jerġgħu jiltaqgħu nhar il-Erbgħa.

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook