Tħabbret il-mewt tas-Sindku taż-Żejtun Joe Attard.
Huwa kien ilu aktar minn 20 sena sindku ta’ din il-lokalità sa’ mill-1996.
Kien ġie elett ukoll Kunsillier tal-ewwel Kunsill taż-Żejtun fl-1994.
Joe Attard kien ukoll President taż-Żejtun Band Club.
Il-Partit Laburista fi stqarrija qal li Joe Attard mexxa l-Kunsill Lokali taż-Żejtun b’ambizzjoni, tant li l-poplu baqa’ jeleġġih f’din il-kariga.
Iddeskriva lil Attard bħala eżempju mill-isbaħ ta’ persuna li ma tieqaf qatt taħdem favur il-komunità li tgħix fiha.
