Numru kbir ta’ ġurnalisti fosthom l-Editur tal-ILLUM Albert Gauci Cunningham u mill-gazzetta oħt Maltatoday, attendew għal mixja silenzjuża fit-toroq tal-Belt Valletta b’tifkira tal-ġurnalista Daphne Caruana Galizia, li nqatlet b’karozza bomba t-Tnejn li għadda.
Uħud minnhom kellhom f’idejhom kartelluni favur il-libertá tal-espressjoni u l-ħarsien tad-demokrazija.
Il-ġurnalisti se jkunu qed iressqu rikors fil-Qorti sabiex il-Maġistrat Anthony Vella, li qed imexxi l-inkjesta dwar il-qtil ta’ Caruana Galiza, jaċċerta li kull sors li jista’ joħroġ mill-investigazzjonijiet li qed isiru jiġi protett.
Nhar il-Ħadd li ġej, bi qbil mal-Istitu tal-Ġurnalisti Maltin (IĠM), il-gazzetti kollha fosthom l-ILLUM se jkunu qed iwasslu messaġġ wieħed, li l-pinna tegħleb il-biża’.
Dawk preżenti għal din il-kommemorazzjoni ressqu għal darb’oħra kkundannaw l-qtil ta’ Daphne u ressqu l-kondoljanzi lill-familja Caruana Galizia.