F'intervista speċjali, maqsuma fi tnejn, li se tidher għada fuq il-gazzetta ta' kull nhar ta' Ħadd l-ILLUM id-Deputat Nazzjonalista Clyde Puli u s-Sindku ta' Ħal Qormi Rosianne Cutajar jirrispondu diversi mistoqsijiet. Fosthom, dwar is-sekwestru fuq Daphne Caruana Galizia, l-għajta tal-PN illi d-demokrazija hija mhedda, l-ġurnaliżmu, l-bloggs u kemm il-ħajja personali tal-politiċi hija ta' interess pubbliku.
Naturalment dawn iż-żewġ Qriema, ftit jekk xejn, qablu fuq kwalunkwe suġġett li l-gazzetta staqsiet dwarhom. Fil-filmat tistgħu taraw partijiet żgħar mill-intervisti li se jidhru għada fuq il-gazzetta ILLUM.