Politika Kronaka Soċjali Intervisti Zekzik Poodle Għawdex Qrati u Pulizija

'Pajjiżna ġie maħtuf u dis-sena niehduh lura'

Simon Busuttil qabbel lil Gvern mat-tliet rejiet li berbqu flus il-poplu ... 

John Busuttil / 8 ta' Jannar 2017 16:42
Waqt li kien qiegħed jindirizza laqgħa politika fil-każin Nazzjonalista tal-Ħamrun, Busuttil qal li din il-ġimgħa kellu laqgħa mal-attivisti fil-festa tat-Tre Re u ftakar li anke f'pajjiżna hawn tliet rejiet li qed iberbqu flus il-poplu. Huwa sostna li waqt li fid-dinja l-populiżmu qed jikber fit-theddida tiegħu, f'Malta diġa għandna gvern populista li ħataf l-istituzzjonijiet, qed iħalli l-korruzzjoni tiżdied u jipprova joħnoq leħen is-soċjeta ċivili.

Waqt li sostna li l-mistoqsija li għandu jagħmel il-poplu din is-sena hija jekk hux aċċettabbli aktar li jibqa' jitmexxa minn gvern korrott, Busuttil irrefera għall-istqarrija ta' Salvu Mallia li jitlaq mill-PN jekk jagħlaqlu ħalqu u qallu li fil-PN tista' titkellem bla biżgħa għax jekk ma taqbilx miegħu ma jkissrekx.

" F'Malta diġa għandna gvern populista li ħataf l-istituzzjonijiet, qed iħalli l-korruzzjoni tiżdied u jipprova joħnoq leħen is-soċjeta ċivili"
Simon Busuttil
Busuttil reġa' attakka lill-Imħallef Toni Abela u qal li ma jistennix li dan se jagħmel ġustizzja miegħu jekk jidher quddiemu wara dak li qal kontra l-PN u ddikjara li jekk jitla' fil-Gvern jara li Gvern Nazzjonalista jieħu lura l-Workers Memorial Building mill-GWU.

 

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Segwina fuq Facebook