L-Iskandlu fil-bini ta' Mater Dei f'REPORTER
Il-Ministru Konrad Mizzi u x-Shadow Minister Claudette Buttigieg fid-diskussjoni
Wara li f'Settembru li għadda ġie żvelat li ma jistax isir bini addizzjonali fuq id-dipartiment tal-emerġenza sabiex titaffa' l-problema tan-nuqqas ta' sodod, il-gvern ikkummissjona studju mill-kumpanijja ARUP sabiex tkun determinata s-saħħa tal-bini.
L-istudju tal-ARUP jgħid li l-kolonni tal-emerġenza huma ta' livell 18mpa meta suppost dawn huma ta' 30mpa. ARUP jgħidu wkoll li l-bini fejn hemm is-swali tal-pazjenti huma ta' livell 23mpa u li għalkemm huma aħjar minn tal-emerġenza, xorta huma anqas mill-livell mistenni.
Il-programm ta' diskussjoni REPORTER, jiddiskuti u janalizza s-sitwazzjoni tal-isptar Mater Dei. Flimkien fid-diskussjoni ma' Saviour Balzan, il-Ministru għall-Enerġija u s-Saħħa Konrad Mizzi u x-Shadow Minister għas-Saħħa Claudette Buttigieg. Il-programm REPORTER jixxandar illum it-Tnejn fid-8.40pm fuq TVM2 b'ripetizzjoni fuq TVM fl-9.45pm.
More in Politika
