Kmieni dalgħodu għall-ħabta tal-5 a.m. il-Pulizija ġiet infurmata b'inċident tat-traffiku fi Triq Tal-Labour, Żejtun.
Il-pulizija marret minnufih fuq il-post u minn stħarriġ preliminari li sar irriżulta li mara ta' 38 sena miż-Żejtun tilfet il-kontroll ta' Honda Fit li kienet qiegħda ssuq u kellha impatt ma' Ford Transit li kien ipparkjat.
Fuq il-post issejjaħ tim mediku u ambulanza ħadet lill-mara l-Isptar Mater Dei biex tingħata l-kura meħtieġa, fej ġiet iċċertifikata li qiegħda ssofri minn ġrieħi gravi.
L-investigazzjonijiet mill-Pulizija għadhom għaddejjin.
