Ajruplan żgħir involut f'inċident fuq runway sekondarju

Dalgħodu, fl-10:00am, ajruplan żgħir kien involut f'inċident fuq ir-runway sekondarju fl-ajruport.

L-Ajruport Internazzjonali ta' Malta, ikkonferma li servizzi ta’ salvataġġ u tat-tifi tan-nar waslu mal-ewwel fuq il-post, fejn ħadu kontroll tas-sitwazzjoni wara ftit sekondi. Ma kien hemm ebda passiġġiera fuq l-ajruplan u l-pilota ma sofra l-ebda ġrieħi.

Filwaqt li r-runway il-prinċipali ma kinitx affetwata, bdiet investigazzjoni dwar x'setgħet kienet il-kawża tal-inċident.