Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Aġġornata | Tnejn mejta u sebgħa jindarbu f'inċident ikrah fl-Imġarr ilejla

Il-lejl tal-Ħadd jispiċċa b'inċident traġiku li ħalla tnejn mejta u sebgħa l-isptar, 

Albert Gauci Cunningham / 14 t'April 2019 21:53
Ritratt: Net News
Inċident li seħħ ilejla fl-Imġarr (Malta) ħalla tnejn mejtin u sitta minn nies mweġġgħin.

S'issa jidher illi l-ħabta kienet bejn karozza tat-tip Maruti u oħra tat-tip Audi li baqgħu deħlin 'head on', bl-Audi tispiċċa fil-parti tat-triq li fuqha qed isir xogħol infrastrutturali. 

Iż-żewġ persuni fil-Maruti ix-xufier ta' 53 sena u passiġġier ta' 31 sena, kienu ċċertifikati mejta fuq il-post. Erba' adulti u tliet itfal ttieħdu l-isptar. Ix-xufier tal-Audi flimkien ma' żewġt itfal ta' 11-il sena u sena (1) jinsabu f'qagħda gravi filwaqt li passiġġier ta' 10 snin sofra minn ġrieħi ħfief.

Żewġ passiġġieri fil-vettura Maruti, ta’ 77 u 12-il sena rispettivament, kienu iċċertifikati li sofrew minn ġrieħi serji, filwaqt li passiġġier ta’ 44 sena residenti l-Gżira sofra minn ġrieħi gravi. Passiġġier ta’ 29 sena, residenti tas-Sliema ma sofra l-ebda ġrieħi.

L-awtoritajiet tas-saħħa ħarġu avviż illi fih qed jappellaw għall-kooperazzjoni tal-pubbliku hekk kif diversi ambulanzi kienu fuq il-post u telqu bin-nies involuti f'dan l-inċident ferm ikrah. 

Ritratt: Net News
L-avviż tal-Isptar Mater Dei
Ritratti: Net News
Appellaw ukoll biex ħadd ma jmur fl-Emerġenza tal-Isptar jekk mhux għal raġunijiet serji. Dwar dan l-inċident infetħet inkjesta Maġisterjali. 

(Iktar informazzjoni malli taslilna)

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook