Raġel ta’ 45 sena minn Bormla tilef ħajtu wara li waqa’ fix-xaft wara li ngħalaq fuq il-bejt u x’aktarx ipprova jiddendel sabiex jidħol minn tieqa ta’ uffiċċju mix-xaft.
Il-każ seħħ ilbieraħ għall-ħabta tas-7.30pm fi Triq il-Mensija f’San Ġwann.
Fuq il-post issejħet għall-assistenza tal-Pulizija, membri tal-Protezzjoni Ċivili kif ukoll tim mediku b’ambulanza iżda sfortunatament ir-raġel ġie ċċertifikat mejjet fuq il-post.
Bil-każ ġiet infurmata l-Maġistrat tal-Għassa Doreen Clarke li ordnat inkjesta u ħatret l-esperti biex jgħinuha.
L-investigazzjonijiet tal-Pulizija għadhom għaddejjin.