Kmieni dalgħodu komplew l-ispezzjonijiet b'rabta ma' immigrazzjoni irregolari f'pajjiżna, fil-Ħamrun u l-Marsa. Fil-fatt, il-Pulizija assistita minn uffiċjali tas-Servizzi tad-Detenzjonijiet, sabu 29 persuna li qed jgħixu Malta b'mod irregolari.
Dawn il-persuni kienu minn pajjiżi varji fosthom mis-Senegal, il-Għana, il-Gambja, l-Afganistan, is-Senegal, il-Mali, l-Eġittu u s-Sirja.
Intant dawn il-persuni issa ittieħdu f'Ċentru ta' Detenzjoni fejn inbeda l-proċess biex ma jibqgħux fil-pajjiż.
Il-Pulizija flimkien mal-awtoritajiet qed jinvestigaw ukoll lil min ħaddimhom u min krielhom il-proprjetà.
Dawn l-ispezzjonijiet se jkompli fil-jiem u ġimgħat li ġejjin.
