Destiny temmet it-tieni prova tagħha hekk kif nhar it-Tlieta se tkun qed tieħu sehem fl-ewwel semifinali tal-Eurovision Song Contest bil-kanzunetta Je Me Casse.
Fl-ewwel reazzjoni tagħha fuq Instagram Destiny, bl-enerġija kollha tagħha, tkellmet dwar l-esperjenza hekk kif telgħet fuq il-palk għat-tieni darba.
Detsiny kienet liebsa wkoll libsa differenti minn dik li libset fl-ewwel prova.
"Illum ħassejtni mort ħafna aħjar għax drajt l-istage u biddilt il-libsa u vera nħossni komda wkoll fiha ... wisq ħadt pjaċir. Vera kuntenta," saħqet Destiny.
Irringrazzjat lil dawk kollha li qed jagħtuha l-appoġġ.
"Inħobbkom ħafna," saħqet Destiny.
Intant wara t-tieni prova, Malta reġgħet żdiedet fl-odds hekk kif il-bookmakers reġgħu poġġewha fuq nett tal-lista bħala l-favorita li tirbaħ. Dan huwa sinjal li din it-tieni prova niżlet tajjeb ħafna.
Warajha Franza, li mistennija jkollha l-ewwel prova tagħha llejla. Wara l-ewwel prova ta' Malta, Franza kienet il-favorita li tirbaħ.
Yendrick Cioffi studja l-ġurnaliżmu fl-Università ta' Malta fejn kiseb Baċċellerat bl...