'Inħossuna mitlufa' - Koppja li kienu qed irabbu tifla li ttieħdet illegalment mill-omm naturali tagħha
Ilbieraħ 16-il NGO li jifformaw in-Network tal-Assoċjazzjonijiet Maltin tat-Tfal organizzat velja fil-Birgu
minn Yendrick Cioffi
.jpg)
Għexieren ta’ xemgħat ilbieraħ inxtegħlu fuq it-taraġ biswit il-Knisja Kolleġġjata ta’ San Lawrenz fil-Birgu hekk kif ġiet organizzata velja għal tifla ta’ seba’ snin li l-ġenituri li ffosterjawha qed jisħqu li “nħatfet” mill-omm naturali tagħha, aktar minn xahar ilu.
“Inħossuna mitlufa,” saħqu l-ġenituri li kienu qed irabbu lit-tifla.
It-tifla ttieħdet mill-omm naturali tagħha fid-9 ta’ Ottubru.
Jidher li l-omm u l-bint ħallew Malta illegalment.
Il-Europol irnexxielhom jitraċċaw it-tifla f’pajjiż Ewropej iżda għadu mhux magħruf fejn qiegħda eżatt.
Taħt il-kundizzjonijiet tal-care order, l-omm naturali kellha d-dritt li żżur lit-tifla kull tmiem il-ġimgħa.
Il-vġili kienet organizzata minn 16-il NGO li jifformaw in-Network tal-Assoċjazzjonijiet Maltin tat-Tfal.
