Tifel ta’ seba’ snin l-isptar wara li beda jifga fil-Bajja tal-Ġnejna

Tifel ta’ seba’ snin ittieħed l-isptar wara li beda jifga waqt li kien fil-Bajja tal-Ġnejna, fl-Imġarr.

Rappreżentant tal-Malta Red Cross qal lil gazzetta oħt, MaltaToday li wieħed mil-lifeguards tal-għaqda lemaħ lit-tifel qed jifga u mar minnufih biex jagħtih l-għajnuna.

Il-lifeguard irnexxielu jiftaħlu l-passaġġ tan-nifs qabel waslet ambulanza fuq il-post.

It-tifel imbagħad ittieħed l-Isptar Mater Dei għal aktar kura.

“Aħna kuntenti ħafna li smajna li t-tifel jinsab kompletament tajjeb,” qal ir-rappreżentant, filwaqt li spjega li se jibqa’ l-isptar għal xi żmien taħt osservazzjoni.