Il-mara, li kienet akkużat lill-għarus tagħha li stupraha waqt li kienet taħt l-effett tal-alkoħol, talbet li tirtira l-akkużi sabiex tkun tista' tmur lura lejn pajjiżha. Din it-talba ġiet milqugħa mill-maġistrat li kien qed jippresiedi, li ordna l-waqfien immedjat tal-każ.
L-akkużat, kien ġie arrestat u mressaq il-qorti f’Novembru tal-2023. L-arrest seħħ ġurnata qabel li kien suppost li jsiefer minn Malta.
L-akkużat kien wieġeb mhux ħati għall-akkużi ta’ stupru u ngħata l-ħelsien mill-arrest ftit jiem wara li tressaq il-qorti l-ewwel darba.
Skont ix-xhieda tal-prosekuzzjoni, il-proċess legali beda 16 ta’ Novembru 2023, meta mara żagħżugħa marret l-għassa tal-pulizija tal-Mosta biex tagħmel rapport.
Hija kienet tat lill-uffiċjali ittra miktuba bl-id li kienet tiddettalja inċident li seħħ fil-lejl ta’ bejn l-1 u t-2 ta’ Ottubru 2023. Il-mara, li kienet qed tgħix Malta b'viża ta’ studenta, iddikjarat li kienet kienet xorbot l-alkoħol u ssekret għall-ewwel darba f’ħajjitha.
Wara li ntilfet minn sensiha, qamet fl-appartament tal-għarus tagħha b’uġigħ u trawma fiżika kbira. Hija saħqet mal-pulizija li kienet verġni u li ma kellha l-ebda intenzjoni li jkollha relazzjoni sesswali.
Meta l-awtoritajiet staqsewha dwar id-dewmien ta’ sitt ġimgħat biex tirrapporta l-allegat attakk, il-mara spjegat li għamlet ir-rapport għax l-akkuża kien qed jirrifjuta li jiżżewwiġha u kien qed jippjana li jirritorna l-Indja biex jiżżewweġ lil mara oħra. Wara din l-informazzjoni, il-Korp tal-
Pulizija tal-Vises (Vice Squad) intervjena u arresta l-akkużat.
Il-każ ħa bidla deċiżiva waqt seduta riċenti. Il-parti ċivili, li kienet qed tirrappreżenta l-mara, infurmat lill-qorti li l-vittma allegata ma xtaqitx tkompli bil-każ.
Il-mara telgħet fuq il-pedana tax-xhieda biex tikkonferma li kienet qed titlob b’mod volontarju li jitwaqqaf il-każ, minħabba x-xewqa tagħha li tirtira l-akkużi u tirritorna l-Indja, pajjiżha.
Wara x-xhieda tagħha, id-diviża talbu lill-qorti biex formalment tiċħad u twaqqaf il-każ.
Il-Maġistrat Farrugia sussegwentement laqgħet it-talba u ordnat li l-proċeduri jieqfu hemm.
Il-każ kien ippreseduta mill-Maġistrat MarseAnne Farrugia.
Il- Prosekuzzjoni tmmexxiet mill-Ispetturi Italo Mizzi u Wayne Buhagiar, flimkien ma' Dr Miriayah Borg f'isem l-Uffiċċju tal-Avukat Ġenerali.
L-Avukat Herman Mula deher għall-parti ċivili.
L-Avukati Franco Debono, Marion Camilleri, u Fleur Abela dehru għad-difiża.
.png)
