Ħabta bejn trailer u trakk tagħlaq Triq Ħal Far f’Birżebbuġa

Is-sewwieqa qed jiġu mwissija jevitaw iż-żona ta’ Triq Ħal Far wara ħabta kbira bejn trailer u trakk li seħħet kmieni waranofsinhar

5 ta' Ġunju 2026 14:57
minn Jaelle Borg

L-inċident seħħ għall-ħabta tas-1.30pm u wassal għal tfixkil fit-traffiku fiż-żona.

Kelliem għall-Pulizija kkonferma li l-ħabta kienet tinvolvi ż-żewġ vetturi, filwaqt li qal li aktar dettalji dwar l-inċident se jingħataw aktar tard.

S’issa għadu mhux magħruf jekk kienx hemm persuni li sofrew ġrieħi jew jekk xi ħadd kellux jittieħed l-isptar għall-kura medika.

Il-pulizija u l-awtoritajiet relevanti marru fuq il-post sabiex jassistu u jmexxu l-investigazzjonijiet dwar il-każ.

Intant, is-sewwieqa huma avżati jużaw rotot alternattivi sakemm jitneħħew il-vetturi involuti u s-sitwazzjoni terġa’ lura għan-normal.

Jaelle Borg hija ġurnalista ma' din il-gazzetta kif ukoll ġurnalista tal-qorti u tinsab ...