Il-Pulizija jsibu kokaina, eroina u kannabis b’valur ta’ €10,000 fid-dar ta’ suspettat

Raġel ta’ 28 sena ġie arrestat wara li allegatament inqabad fil-pussess ta’ kokaina, eroina, u kannabis.

Il-pulizija qalet li s-suspettat, li huwa resident ta’ San Ġwann, kien qed jiġi mmonitorjat mill-pulizija qabel ma ġie arrestat f’Ta’ Qali.

Fit-tfittxija f’daru nstabu kokaina, eroina, u kannabis li dehru li kienu lesti għat-traffikar, kif ukoll flus kontanti. Il-pulizija qalet li d-drogi għandhom valur fit-triq ta’ madwar €10,000.

Is-suspettat qed jinżamm fil-Kwartieri Ġenerali tal-Pulizija, hekk kif se jitressaq quddiem il-Maġistrat Leonard Caruana għall-ħabta tal-1:00pm