Illum kompliet il-kumpilenza tal-evidenza kontra l-eks Uffiċjal Tekniku tal-Malta Gaming Authority (MGA) Jason Farrugia u l-mara tiegħu Christine Farrugia li qed jiġu mixlija b'ħasil ta' flus, frodi u misapproprjazzjoni. Fil-każ ta' Jason Farrugia huwa ġie akkużat ukoll li żvela informazzjoni kunfidenzjali u b'użu ħażin tal-komputer. Jidher iżda li minn investigazzjonijiet ta' mezzi elettroniċi li kellu Farrugia, konverżazzjonijiet ma' Iosif Galea żvelaw li kellhom ħsieb li jikkorrompu uffiċjal tal-Pulizija b'xi flus. Madankollu ma ngħatat l-ebda indikazzjoni għal min bdew jirreferu u għaliex.
Iosif Galea, li huwa konsulent tal-Gaming u kien jaħdem mal-MGA u ġie arrestat fl-Italja wara Mandat ta' Arrest Ewropew, hekk kif qed ikun imifttex fuq suspetti ta' ħasil ta' flus. Huma iddiskutew affarjiet relatati mal-MGA u pjanijiet biex jiftħu negozju għal rashom.
Espert maħtur mill-Qorti informa lill-ispettur li kull tip ta' informazzoni li kien hemm fuq il-mobile ta' Farrugia kien tħassar. Minkejja dan jgħid li l-espert irnexxielu jagħmel kopja tal-informazzjoni qabel ma tħassar kollox.
X'ħareġ mill-investigazzjonijiet?
- Evidenza indikat li Iosif Galea daħal fis-sistema ta' MGA diversi drabi wara li telaq mill-Awtorità fl-2013.
- Ġew identifikati indirizzi IP assenjati għal numru ta' indirizzi elettroniċi li ġew użati minn numru ta' persuni li jinkludu Farrugia u Galea, kif ukoll missier Farrugia.
- Farrugia ħassar numru ta' dokumenti fil-laptop tax-xogħol tiegħu.
- Ġew trasferiti aktar minn 600 dokument minn fuq id-database għall-komputer personali tal-koppja Farrugia. L-espert tal-Qorti saħaq li dawn għadhom ma ġewx analizzati għaliex jagħmlu parti mill-inkjesta.
- Eluf ta' flus ġew trasferiti minn kontijiet u ta' Galea għall-koppja Farrugia permezz ta' Revolut u ngħataw ċekkijiet.
- Farrugia naqas milli jwieġeb ħafna mill-mistoqsijiet li sarulu
X'qal il-Kap Eżekuttiv tal-MGA?
Intant illum tkellem il-Kap Eżekuttiv tal-MGA Karl Brincat li ta sommarju ta' l-investigazzjoni interna li saret, wara li ġew ippublikat d-dokumenti fuq The Shift. Saħaq li meta ra li kien hemm ammont sostanzajli ta' infromazzjoni li ġiet ippublikata huwa informa l-pulizija immedjatament. Jgħid li Farrugia kellu aċċess "għal kollox" u li l-funzjoni tiegħu fl-Awtorità kienet li jieħu ħsieb is-sistemi tal-IT.
"Wara s-sospensjoni tagħhom, tlabt lil xufier biex imur jiġbor il-laptop," saħaq Brincat. Huwa kompla jgħid li dan kien importanti minħabba l-pandemija u li l-MITA kienet intalbet biex tinvestiga hekk kif it-trasferiment tal-informazzjoni fuq mezzi personali kien projbit.
Il-każ se jkompli f'Lulju.