Raġel ta' 25 sena jitlef ħajtu wara li waqa' minn għoli ta' żewġ sulari

Raġel sirjan ta' 25 sena minn Birkirkara tilef ħatu hekk kif waqa' minn għoli ta' madwar żewġ sulari, waqt li kien qed jagħmel xi xogħol. Dalgħodu għall-ħabta tat-tmienja u nofs, il-Pulizija ġiet infurmata li kien hemm bżonn l-assistenza f'sit ta' kostruzzjoni fi Triq il-Gallina, San Ġwann. 

Il-Pulizija kif ukoll tim mediku marru fuq il-post u assistew lil dan ir-raġel iżda sfortunatament kien iċċertifikat mejjet fuq il-post. 

Bil-każ ġie nfurmat l-Maġistrat tal-Għassa li fetaħ inkjesta filwaqt li l-investigazzjonijiet tal-Pulizija għadhom għaddejjin.