Tliet impjegati ta’ supermarket tressqu l-Qorti akkużat li serqu ‘l fuq minn €7,000 fi prodotti.
L-akkużati għandhom bejn is-17 u l-34 sena.
L-Ispettur Colin Sheldon qed jakkuża lit-tliet persuni b’serq aggravat. Iż-żagħżugħ li għandu 21 sena, kien akkużat ukoll li sar reċidiv.
Is-serq seħħ f’Settembru, bil-maġġoranza tal-affarijiet misruqa huma prodotti tal-ikel.
L-Avukati Franco Debono u Amadeus Cachia qalu li l-akkużat qed iwieġbu mhux ħatja waqt li talbu għall-ħelsien mill-arrest.
Il-Prosekuzzjoni ma oġġezzjonatx sakemm ikunu imposti kundizzjonijiet stretti.
Il-Qorti laqgħet it-talba għall-ħelsien mill-arrest.