Il-linja nazzjonali tal-ajru, l-Air Malta, ħabbret li se tkun qed tibda topera l-iskeda ta’ titjiriet tagħha għax-Xitwa fil-31 ta’ Ottubru, fejn se tkun qed toffri 67 servizz dirett b’ritorn skedat fil-ġimgħa lejn 15- il ajruport Ewropew ewlieni.
Il-linja ta l-ajru se toffri medja ta’ disa’ titjiriet fil-ġimgħa lejn Londra u Pariġi, b’servizzi lejn l-Ajruporti ta’ Heathrow f’Londra, Pariġi Charles De Gaulle u Pariġi Orly, filwaqt li lejn Munich, Ruma, Vjenna, Zurich u Katanja se jkollha sitt titjiriet fil-ġimgħa.
Matul ix-Xitwa, l-Air Malta se testendi wkoll is-servizzi tagħha lejn il-bliet ta’ Berlin, Dusseldorf u Lyon.
It-titjiriet diretti li se tkun qed toffri l-Air Malta lejn 15-il destinazzjoni huma Amsterdam, Berlin, Brussell, Katanja, Dusseldorf, Frankfurt, Pariġi Charles De Gaulle, Pariġi Orly, Ruma Fiumicino, Londra Heathrow, Milan Linate, Lyon, Munich, Vjenna u Zurich.
Fi stqarrija, l-Air Malta qalet li se tkompli tħaddem il-ftehimiet ta’ code-sharing ma’ Aeroflot, airBaltic, Air France, Austrian Airlines, Brussels Airlines, Czech Airlines, Emirates, Etihad, KLM, Lufthansa, Qatar Airways, Swiss International Air Lines u Turkish Airlines.