L-awtoritajiet tas-saħħa ħabbru 146 każ ġdid ta' Covid-19 li nstabu minn fost 3,809 testijiet li saru lbieraħ.
Apparti minn hekk fiequ 15-il pazjent ieħor biex issa l-każi attivi jlaħħqu l-1,963 każ.
Minkejja l-għadd ta' każi attivi, il-pazjenti fl-isptarijiet jibqgħu ftit. Fil-fatt, f'Mater Dei hemm 18-il pazjent bil-Covid-19 u persuna waħda biss fl-ITU.
L-awtoritajiet tas-saħħa spjegaw ukoll kif mill-195 każ li nstabu lbieraħ, 125 każ kienu fost persuni li għandhom bejn 10 u 39 sena, bl-età medja tkun dik ta' 29.
It-tilqim kompla wkoll miexi 'l quddiem. Sa issa Malta amministrat 724,343 doża tal-vaċċin.
357,558 persuna issa huma mlaqqma kompletament filwaqt li 383,867 persuna qed jistennew it-tieni doża.
Dan ifisser li 81% tal-popolazzjoni adulta f'Malta hija mlaqqma kompletament, filwaqt li 85% tal-Maltin ħadu mqar doża waħda.
Mil-lum infetħu wkoll il-walk-in clincs fejn Maltin u persuni residenti f'Malta jistgħu jmorru jieħdu l-vaċċin mingħajr il-bżonn ta' appuntament.
Aqra wkoll: