L-Għaqda Nazzjonali Każini tal-Banda ħeġġet lis-Supretendent tas-Saħħa Pubblika biex wara konsultazzjoni mal-Għaqda Nazzjonali Każini tal-Banda tirrevedi b’serjetà l-protokolli ħalli jkun permess li jiġu ċċelebrati anke, b’mod ridott, il-festi.
Fi stqarrija, l-Għaqda Każini tal-Banda ferħet lill-Ħamrun Spartans li saru ċ-Champions tal-Futbol Malt iżda wriet id-dispjaċir tagħha wara ċ-ċelebrazzjonijiet li saru lbieraħ fi Triq il-Kbira San Ġużepp.
"Qisu hawn liġi għal min hu b' saħħtu u liġi għall-bqija," qalet l-Għaqda.
Kien għalhekk, li l-Għaqda Każini tal-Baned appellat biex issir konsultazzjoni u jiġu riveduti l-protokolli biex il-festi u l-attivitajiet kulturali relatati, ikunu jistgħu jiġu ċċelebrati b'mod ridott.
"L-għan tagħhom fuq kollox hu li nħarsu l-patrimonju kulturali nazzjonali ta pajjiżna," temmet tgħid l-Għaqda.