Malta l-ewwel pajjiż fl-UE li jitpoġġa fuq il-lista l-griża
Din id-deċiżjoni jista' jkollha riperkussjonijiet serji fuq l-ekonomija u l-impjiegi
More in Politika
Din id-deċiżjoni jista' jkollha riperkussjonijiet serji fuq l-ekonomija u l-impjiegi
Malta hija l-ewwel pajjiż tal-Unjoni Ewropea li tpoġġa fuq il-lista l-griża wara l-vot li ttieħed illum mid-39 membru tal-Financial Action Task Force (FATF), deċiżjoni li jista' jkollha riperkussjonijiet serji fuq l-ekonomija u l-impjiegi, partikolarment is-setturi tas-servizzi finanzjarji u dak bankarju.
Jidher li l-Istati Uniti, ir-Renju Unit u l-Ġermanja kienu r-raġuni wara l-fatt li Malta spiċċat fuq il-lista l-griża.
Id-deċiżjoni ttieħdet minkejja li Malta għaddiet mit-test tal-Moneyval wara li daħlet fis-seħħ diversi rakkomandazzjonijiet li sarulha.
Fl-aħħar tmien snin, diversi deċiżjonijiet li ttieħdu mill-amministrazzjoni Laburista ma niżlu xejn tajjeb mal-komunità internazzjonali, b'ħafna jakkużaw lil Malta li llaxkat fejn jidħol il-ħasil tal-flus.
Malta kienet ikkritikata wkoll minħabba l-programm taċ-Ċittadinanza b'Investiment, ikkundanat ukoll mill-Kummissjoni Ewropea.
Dan biex ma nsemmux il-kwistjoni li ddur madwar il-Panama Papers u n-nuqqas ta' azzjoni mill-eks Prim Ministru Joseph Muscat kontra Keith Schembri, l-id il-leminija tiegħu u anke l-Ministru Konrad Mizzi.
Aktar kmieni din il-ġimgħa, il-Ministru għall-Finanzi Clyde Caruana kien il-Ġermanja jipprova jikkonvinċi li Malta ħadmet, tul dawn l-aħħar sena u nofs biex issaħħaħ il-ġlieda tagħha kontra l-ħasil tal-flus.
Saħaq ukoll li "motivi politiċi ulterjuri" jistgħu jkunu wara dan il-vot.
L-FATF hija organizzazzjoni internazzjonali li taħdem biex tiġġieled il-ħasil tal-flus u anke l-finanzjament tat-terroriżmu.
Xi jfisser li tispiċċa fuq il-lista l-griża?
Aqra wkoll: