Mill-14 ta' Ġunju residenti fid-Djar tal-Anzjani jistgħu jerġgħu jibdew imorru għand qrabathom
Jitħabbar ir-raba' rilaxx ta' miżuri fid-Djar tal-Anzjani mill-Ministru Michael Farrugia
More in Politika
Jitħabbar ir-raba' rilaxx ta' miżuri fid-Djar tal-Anzjani mill-Ministru Michael Farrugia
Il-Ministru għall-Anzjani u l-Anzjanità Attiva Michael Farrugia ħabbar ir-raba’ rilaxx ta’ restrizzjonijiet fid-djar tal-anzjani, maqsum f’fażijiet differenti li se jwasslu biex mill-14 ta’ Ġunju, residenti fid-djar tal-anzjani jkunu jistgħu jmorru għand qrabathom taħt ċerti kundizzjonijiet.
Għal darb’oħra, il-Ministru Michael Farrugia enfasizza biex iktar persuni, b’mod speċjali l-qraba tar-residenti, jitlaqqmu. “Dan sabiex inkunu nistgħu nersqu aktar lejn in-normalità,” żied jgħid.
Dan huwa l-pjan tar-Rilaxx:
Mill-4 ta’ Ġunju
Residenti li jattendu appuntamenti outpatient
Residenti mlaqqmin u li għandhom bżonn jattendu għal appuntament ta’ outpatient fl-isptar, jiġu ssorveljati għal xi sintomi possibbli relatati mal-Covid-19 mar-ritorn tagħhom fid-dar. Residenti mhux imlaqqmin jibqgħu ħamest ijiem kwarantina u jsirilhom PCR swab test.
Residenti li jirritornaw f’dar tal-anzjani mill-isptar
Residenti ġodda fi djar għall-anzjani
Mit-8 ta’ Ġunju:
Iċ-ċentri ta’ matul il-jum se jibdew jilqgħu 8 anzjani u 3 membri tal-istaff.
Mill-14 ta’ Ġunju:
Attendenza għal appuntamenti mediċi - Ir-residenti jistgħu jattendu appuntamenti mediċi barra mid-dar tal-anzjani akkumpanjati minn qraba li jkunu mlaqqmin.