Fearne jgħid lil BBC li fis-sajf Malta se tkun l-aktar pajjiż sigur għas-safar
Huwa qal dan meta kien qiegħed jiġi intervista fuq programm li xxandar fuq BBC Radio
More in Politika
Huwa qal dan meta kien qiegħed jiġi intervista fuq programm li xxandar fuq BBC Radio
Id-Deputat Prim Ministru u Ministru għas-Saħħa Chris Fearne qal li fis-sajf li ġej, Malta se tkun l-aktar pajjiż sigur għas-safar, "żgur fl-Ewropa u possibbilment anke fid-dinja."
Huwa qal dan meta kien qiegħed jiġi intervista fuq programm li xxandar fuq BBC Radio.
Il-Ministru għas-Saħħa qal li dan huwa possibbli minħabba r-rata li biha qed jiġu mlaqqma l-Maltin.
Insista li s-sigurtà u s-saħħa se jibqgħu jingħataw il-prijorità u għalhekk it-turiżmu se jinfetaħ b'mod li jkun sigur kemm għall-vjaġġatur u anke għal għal Maltin.
Kien hawn li qal li Malta hija favur li jkun hawn passaport jew ċertifikazzjoni dwar il-vaċċin li jkun komuni għall-pajjiżi membri tal-Unjoni Ewropea, għax fi kliemu dan jagħti serħan il-moħħ mhux biss lit-turisti imma anke liċ-ċittadini ta' pajjiżi.
Fakkar li bħalissa, persuni li għadhom ma ħadux il-vaċċin xorta jistgħu jiġu Malta anke jekk hemm numru ta' restrizzjonijiet li jridu jimxu magħhom, skont il-pajjiżi li minnhom huma ġejjin u r-riskju li għandhom.
Mistoqsi dwar it-tħassib tal-Għaqda Dinjija għas-Saħħa li ħafna ċaqliq ta' persuni għalissa x'aktarx li mhux se jgħin, il-Ministru Fearne saħaq li s-sigurtà u l-kawtela għandhom jibqgħu fiċ-ċentru ta' kull deċiżjoni li tittieħed.
Madanakollu saħaq li għal dawk it-turisti li jkunu ġejjin minn pajjiżi fejn il-programm tat-tilqim ikun miexi tajjeb, ma jarax għaliex Malta ma għandhiex tiftħilhom il-bibien, anke jekk reġa' tenna fuq l-importanza tal-kawtela.
Aqra wkoll: