L-eks Prim Ministru Joseph Muscat irreaġixxa għall-arresti tal-bieraħ ta' diversi persuni, fosthom Keith Schembri u Vincent Buhagiar, mill-Allied Newspapers, u fakkar li dawn l-avvenimenti seħħew qabel l-2013.
"Nistenna l-ġustizzja tieħu l-kors tagħha kif dejjem għamilt," qal Muscat li iżda fakkar fl-istorja dwar Egrant.
"Sadanittant, iktar minn sentejn u nofs wara li tlestiet l-inkjesta, anki jekk nibqa' waħdi, se nibqa' ninsisti li ssir ġustizzja ma' familti dwar il-gidba ta' Egrant, storja ffalsifikata u vvintata fi sfond nazzjonali."
Daphne Caruana Galizia kienet ippubblikat storja illi fiha allegat li Egrant Inc, kumoanija fil-Panama miftuħa ma' dawk ta' Keith Schembri u Konrad Mizzi kienet f'isem martu, Michelle Muscat. Inkjesta maġisterjali iżda ma sabet l-ebda prova li torbot lil din il-kumpanija ma' Muscat.