L-awtoritajiet tas-saħħa ħabbru 108 każi ġodda ta' Covid-19 filwaqt li fiequ 46 pazjent.
Apparti minn hekk mietu wkoll żewġ persuni oħra biex issa l-għadd tal-vittmi tela' għal 196.
Bħalissa f'Malta hawn 1,553 pazjent bil-Covid-19. Minn meta feġġet il-pandemija fiequ 10,161.
Ilbieraħ saru 2,788 test.
Intant, mill-każi tal-bieraħ, 21 kienu qraba ta' pazjenti u 10 persuni ħadu l-virus mingħand kollegi tagħhom.
Kien hemm ukoll disa' persuni li ġew f'kuntatt ma' persuni pożittivi għall-virus u ħamsa li ħadu l-virus minn attivitajiet soċjali.