Malta hija waħda minn seba' pajjiżi fl-Unjoni Ewropea fil-lista 'Tħassib Qawwi' minħabba r-rati ta' mwiet fost persuni bil-Covid-19.
Dan kien deċiż miċ-Ċentru Ewropew għall-Prevenzjoni u Kontroll (ECDC), li poġġa lil Malta ma' Spanja, ir-Rumanija, il-Kroazja, l-Ungerija u r-Repubblika Ċeka. L-aġenzija qalet illi dawn il-pajjiżi esperjenzaw "proporzjon li qed jiżdied ta' każi li kellhom bżonn jużaw l-isptar u każi severi ... li żied ir-rari ta' mwiet li qed jiġu osservati jew li se jibdew jiġu osservati dalwaqt."
L-ECDC ħadet nota taż-żieda fil-każi imma wkoll fix-xejra ta' mwiet fost anzjani li ilha serja għall-aħħar ġimgħa u nofs u li sal-lum stess rat żewġ persuni oħrajn jitilfu ħajjithom.
Fl-aħħar ġimagħtejn Spanja kienet qed tirreġistra tliet imwiet għal kull 100,000 persuna, ir-Rumanija 2.7 u Malta 2.2.
L-ECDC appellat biex dawn is-seba' pajjiżi jadottaw interventi non farmaċewtiċi bħala l-unika strateġija li timmodera l-impatt tal-virus fuq il-poplu.