L-Ajruport Internazzjonali ta’ Malta laqa’ l-aħbar li l-Gvern se jkun qed jiftaħ l-ajruport fl-1 ta’ Lulju li ġej.
Anke jekk għalissa l-għadd ta’ titjiriet huwa wieħed limitat, l-Ajruport saħaq li dan huwa l-ewwel pass biex ftit ftit l-industrija tal-avjazzjoni u anke tat-turiżmu tibda’ terġa’ tieħu l-ħajja.
“Il-kumpanija tħoss li huwa obbligu tagħha li tagħti prijorità lis-saħħa u lis-sigurtà tal-passiġieri u l-impjegati tagħha, filwaqt li toffri serħan il-moħħ lil kull min jgħaddi mill-ajruport,” saħqet l-istqarrija.
L-MIA spjega li bħalissa għaddejja ħidma flimkien mal-awtoritajiet tal-Gvern bil-għan li jkunu introdotti miżuri ta’ mitigazzjoni f’kull stadju tal-ajrport.
Appella biex il-passiġġiera li fil-ġimgħat u x-xhur li ġejjin se jgħaddu mill-ajruport jikkoperaw biex jinżamm ambjent sigur għal kulħadd.
Dawn huma l-pajjiżi li għalihom se jkun miftuħ l-ajruport:
- L-Iżlanda
- L-Islovakja
- Ċipru
- Il-Litwanja
- L-Iżrael
- In-Norveġja
- L-Iżvizzera
- L-Irlanda
- L-Estonja
- Id-Danimarka
- L-Ungerija
- L-Awstrija
- Il-Lussemburgu
- Il-Ġermanja
- Ir-Repubblika Ċeka
- Il-Fillandja
- Sardenja
- Sqallija
Huwa qal li għal dawn il-pajjiżi mhux se jkun hemm kwarantina obligatorja, imma din se tibqa' fis-seħħ għal xi nies li jkunu ġejjin minn pajjiżi li mhumiex f'din il-lista.
