Minn stħarriġ li sar fost dawk li jħaddmu - mill-Assoċjazzjoni Maltija ta' Min iħaddem (MEA) - jirriżulta li 31% tal-impjegaturi jemmnu li wara l-1 ta' Mejju dawk li se jitilfu x-xogħol se jkomplu jiżdiedu. Minn naħa l-oħra 45% qalu li mhumiex ċerti hux se jiżdiedu it-tkeċċijiet mix-xogħol, grazzi għall-kriżi ekonomika kkawżata mill-Covid-19.
Dan it-tħassib jiġi wara li skont ċifri tal-Uffiċċju Nazzjonali tal-Istatistika f'Marzu l-qgħad żdied b'20% meta mqabbel ma' Marzu tas-sena l-oħra.
Minn dawk li pparteċipaw 72% qalu li ma poġġewx lill-ħaddiema tagħhom taħt leave mhux imħallas filwaqt li 6% tal-impjegaturi poġġew lill-ħaddiema fuq leave bla ħlas minħabba l-virus.
Minn dawk li rrispondew 9% biss qalu li keċċew lin-nies.
Dan l-istħarriġ juri wkoll illi 40% tal-kumpaniji għadhom qed joperaw b'sigħat full time, 24% fuq sigħat imnaqqsa filwaqt li 58% tal-kumpaniji infurzaw il-leave pro rata jew il-leave kollu tal-2020