Iktar ħidma mill-Iskwadra ta’ kontra l-Vizzju tad-Droga rriżultat fl-arrest ta’ raġel ta’ 45 sena mill-Belt Valletta, imma residenti Ħaż-Żebbuġ Malta, fejn fil-vettura li kien qed isuq instabu ftit inqas minn 15-il kilo tal-pjanta tal-kannabis, kollha jew parti minnha, lesta għall-bejgħ.
Tfittxijiet ulterjuri li saru fir-residenza tal-istess individwu ġewwa Ħaż-Żebbuġ irriżultaw fis-sejba ta’ iktar droga, fosthom 300 gramma ta' raża tal-kannabis, 80 gramma kokaina u aktar kannabis.
Il-Maġistrat tal-Għassa Dr Audrey Demicoli LL.D ġiet infurmata bis-sejba u ħatretatret diversi esperti sabiex jassistuha fl-inkjesta Maġisterjali .
Dalgħodu dsn ir-raġel se jitressaq quddiem il-Maġistrat tal-Għassa Dr. C. Stafrace Żammit LL.D, b’akkużi relatati ma’ pussess ta’ droga aggravat