F’era fejn it-theddid diġitali fil-finanzi globali qiegħed dejjem jiżdied, is-Cyber Finance Summit 2025 tal-Awtorità Maltija għas-Servizzi Finanzjarji (MFSA) ġab flimkien mexxejja minn diversi oqsma biex joħolqu triq reżiljenti għall-futur.
Organizzat mill-MFSA, is-Summit ġabar aktar minn 500 espert internazzjonali mis-setturi finanzjarji, regolatorji u tat-teknoloġija sabiex tissaħħaħ ir-reżiljenza ċibernetika u jiġu maqbula innovazzjonijiet siguri għall-futur.
Is-Summit ta’ jumejn kien jinkludi kelliema globali mill-Bank Ċentrali Ewropew, il-Bank of England, il-Reserve Bank of India, l-Awtorità Ewropea tal-Assigurazzjoni u l-Pensjonijiet Okkupazzjonali, kif ukoll minn kumpaniji ewlenin tat-teknoloġija fosthom Microsoft, Amazon
Web Services, u Aligne.ai.
Il-Kap Eżekuttiv tal-MFSA, Kenneth Farrugia, enfasizza l-urġenza ta’ azzjoni kollettiva: “Is-sigurtà ċibernetika m’għadhiex għażla. Hija neċessità. Hekk kif is-sistemi finanzjarji jsiru dejjem aktar interkonnessi, il-kooperazzjoni fuq livell nazzjonali u internazzjonali hija
essenzjali biex jiġu kkontrastati r-riskji ċibernetiċi b’mod effettiv.”
Il-Kap tas-Sorveljanza fuq l-ICT u s-Sigurtà Ċibernetika fl-MFSA, Alan Decelis, tenna l-bżonn li s-superviżuri Ewropej ikomplu jikkoordinaw u jikkollaboraw flimkien sabiex l-effetti ta’ riskji u theddid tal-ICT jiġu mitigati hekk kif jiġu skoperti, u biex jiġi evitat it-tixrid ulterjuri
tagħhom.
L-avveniment esplora sitt temi ewlenin — mill-pajsaġġ tat-theddid u r-regolamentazzjoni, sa riskju ta’ partijiet terzi fl-ICT — u temm b’sessjoni li ħares ’il quddiem dwar l-innovazzjoni fl-AI u l-Quantum. Sessjonijiet dwar l-Att Ewropew ta’ Reżiljenza Operazzjonali Diġitali (DORA)
enfasizzaw l-attenzjoni regolatorja dejjem tikber fuq fornituri ta’ servizzi ta’ partijiet terzi fl-ICT. Id-diskussjonijiet enfasizzaw ukoll l-importanza tal-integrità fil-katina tal-provvista biex jiġu ssalvagwardjati l-ekosistemi finanzjarji.
Ivan Zammit, Kap tal-Operazzjonijiet fl-MFSA, għalaq is-summit b’chiamata għall-azzjoni: “Hekk kif Malta tkompli tpoġġi ruħha bħala pjattaforma għall-innovazzjoni responsabbli, ir-reżiljenza u l-innovazzjoni mhumiex kompromessi — huma rekwiżiti konġunti għall-finanzi
moderni. Jekk nibnu strutturi b’saħħithom, it-teknoloġiji li llum jissfidu lilna jistgħu jsiru l-magni ta’ sistemi finanzjarji aktar siguri u intelliġenti.”
.jpg)
