Il-mini ta’ Santa Luċija ngħalqu temporanjament nhar il-Ġimgħa filgħodu minħabba inċident tat-traffiku li involva erba’ karozzi u mutur.
Is-sewwieq tal-mutur kellu jittieħed l-isptar, iżda l-kundizzjoni tiegħu għadha mhix magħrufa.
Transport Malta ħabbret fuq Facebook li Vjal Santa Luċija fid-direzzjoni tat-tramuntana fil-Marsa ngħalqet temporanjament wara l-inċident. Is-sewwieqa qed jiġu mħeġġa jużaw rotot alternattivi.
L-inċident tat-traffiku seħħ fis-7:30am. Kelliem għall-pulizija qal lill-ġurnalisti li erba’ karozzi; Toyota Vitz, Fiat Doblo, Nissan X-Trail u Peugeot 208; u mutur kienu involuti fl-inċident.
