Filmat | Partitarji tal-United iwaddbu platt lil Pogba f'ristorant Indjan

Jumejn ilu, f'ristorant Indjan f'Manchester inqalgħet tilwima bejn partitarji tal-Manchester United u l-istilla tat-tim tagħhom li swiehom madwar 100 miljun ewro, Paul Pogba.

Dan tal-aħħar kien qed jiekol għall-kwiet ma' xi ħbieb tiegħu u meta marru dawn il-partitarji biex jiffirmalhom, dan irrifjuta li jagħmel dan għax qalilhom li kien qed jiekol mal-ħbieb. Dawn ħassewhom offiżi u diżrispettati u filwaqt li waddbulu platt, spiċċa f'rokna b'dawn il-partitarji jippruvaw jattakkawh. Il-ħaddiema tar-ristorant ċemplu lill-pulizija iżda sa ma waslu, kien waqaf kollox.