Intervista Lokali Barranin

Tarxien Rainbows jiksbu punt prezzjuż kontra Floriana

Floriana...1 Tarxien R...1

Cristian Muscat / 10 ta' Diċembru 2016 18:07
Floriana - Haber, Pepe (Camenzuli 25'), Ruiz, Pisani, Borg, Vella, Pisani, Cini, Samb, Chiesa (Amadeo 80'), Mario Fontanella

Tarxien R. - Cassar, Baker, Marcelina, Galea (Zammit 56'), Caruana (Agius 71'), Ponce de Leon Garcia, Nilsson, Fernandez Prendes, Da Paixao Alves, Tabone, Borg

Tarxien Rainbows kisbu punt prezzjuż kontra Floriana meta żammewhom fi draw ta' 1-1. Il-Greens kellhom bidu perfett meta fetħu l-iskor wara biss ħames minuti logħob, meta xutt b'saħħtu ta' Nicolas Chiesa ġie milqugħ parzjalment mill-goalkeeper żagħżugħ ta' Tarxien Rainbows, Andrea Cassar, biex mir-rebound daħal bħal vleġġa Mario Fontanella, li mill-viċin tefa' l-ballun fix-xibka.

Fis-36 minuta, Floriana, resqu viċin li jirduppjaw l-iskor meta Amadou Samb irċieva through pass, ġie wiċċ imb'wiċċ mal-goalkepeer Cassar, illobbja l-ballun iżda t-tentattiv tiegħu stampa mal-wieqfa, bid-difiża tar-Rainbows tikklerja l-ballun 'il bogħod minn kull periklu.

Tmien minuti mill-ftuħ tat-tieni taqsima, Floriana rebħu penalti, meta Ebiabowei Baker waqqa' lil Maurizio Vella fil-kaxxa, iżda t-tentattiv mill-11-il metru tal-captain tal-Greens, Nicolas Chiesa ġie salvat parzjalment minn Andrea Cassar, waqt li d-daqqa ta' ras ta' Mario Fontanella ntemmet għoli.

Tarxien Rainbows ġabu l-iskor ndaqs fis-66 minuta, meta wara li rċieva minn kross mix-xellug, daqqa ta' ras mill-isbaħ mill-viċin ta' Triston Caruana għelbet lil Justin Haber. Sitt minuti biss wara, Floriana, resqu viċin li jerġgħu imorru fil-vantaġġ permezz ta' xutt b'saħħtu ta' Maurizio Vella li ġie devjat minn difensur tar-Rainbows, bil-ballun jaħbat ma' sieq il-wieqfa qabel intemm f'korner.  

Cristian Antony Muscat huwa ġurnalist sportiv li jispeċjalizza fil-futbol. Ilu f’dan il-qasam għal dawn l-aħħar 5 snin. Kien kummentatur f'diversi logħbiet prinċipali tal-futbol fosthom dawk mill-UEFA Champions League kif ukoll tal-waterpolo, handball u futsal. Għandu għal qalbu ħafna l-isports hekk kif jarah bħala mezz ewlieni li jgħin lill-bniedem biex jiskopri dejjem iktar lilu nnifsu.
Stħarriġ
Segwina fuq Facebook