Birkirkara jikkonvinċu u jegħlbu lil Pietà Hotspurs

Birkirkara kkonvinċew u permezz ta’ tliet gowls fit-tieni taqsima għelbu lill-Pietà Hotspurs bl-iskor ta’ 3-0. 

Lanqas kienu għaddew 30 sekonda, meta Nassir Ahmed Maachi resaq viċin li jiftaħ l-iskor meta x-xutt angulat tiegħu ipnotizza lil David Cassar iżda l-ballun laqat il-lasta. Birkirkara komplew jattakkaw u wara tmien minuti logħob, Zach Muscat tefa’ kross fil-baxx lejn l-eks plejer ta’ Valletta, Edmond Agius, li ra x-xutt tiegħu jintemm għoli mil-lasti difiżi minn Cassar. Ftit wara xutt bid-dawra tal-attakkant prolifiku Niġerjan Shola Shodiya Haruna ntemm barra.  L-iStripes fetħu l-iscore fl-14-il minuta meta minn cross ta’ Shola Shodiya Haruna, il-ballun spiċċa fuq ras Nassir Ahmed Maachi li mill-viċin tefa’ ġewwa. Fis-76 minuta Birkirkara aċċertaw ruħhom mir-rebħa permezz tat-tieni goal fil-logħba tal-plejer Olandiż, Nassir Ahmed Maachi li wara li rċieva mingħand Shola Shodiya Haruna minn pożizzjoni ideali tefa’ f’lasta vojta mingħajr diffikultà. 

L-Istripes kienu ferm sfortunati li m’għamluhomx tlieta meta fit-80 minuta xutt tal-eks plejer ta’ Qormi, Mauricio Matias Latini Mazzetti, stampa mal-wieqfa. L-Istripes serrħu rashom mir-rebħa fl-84 minuta permezz tax-xutt angulat tas-sostitut Kurt Zammit biex b’hekk irnexxielu jsib ix-xibka għall-ewwel darba ma’ Birkirkara.

Birkirkara - Haber, Scicluna (Herrera 70’), Vukanac, Latini Mazzetti, Shola Shodiya Haruna, Ahmed Maachi (Zammit 80’), Fenech (L. Muscat 87’), Z. Muscat, R. Muscat, Camenzuli, Agius 

Pietà H. - Cassar, Attard, Grech, Fortunato Dos Santos, Pisani, Anonam (Agius 46’), Cesare (Pace Cocks 76’), Rodrigues Da Silva, Nnamaeka Newuche (Joao Gabriel Da Silva 66’), Frances, Ricardo Costa 

Referi - George Kruashvili (GEO)

NASSIR AHMED MAACHI

Twieled fid-9 ta’ Settembru 1985 fl-Olanda

Skorja doppjetta f’din il-logħba

Jilgħab fl-irwol ta’ attakkant

Ingħaqad ma’ Birkirkara mingħand it-tim Ċiprijott AEK Larnaca matul ix-xahar li għadda