Intervista Lokali Barranin

Żebbuġ Rangers ikeċċu lil barman wara li ġie arrestat fuq pussess ta' droga

Philip Sawyer kien imexxi l-bottegin tat-training ground ta' Żebbuġ Rangers

John Busuttil / 12 ta' Jannar 2015 18:36
Philip Sawyer, 51, illejla kien imtella l-qorti akkużat li ittraffikka l-kokajina li allegatament instabet fil-pussess tiegħu meta kien fil-bar taż-Żebbuġ Rangers Club nhar is-Sibt li għaddha.  Skont il-pulizija dan kellu 5 grammi kokajina li kienet ippakkjata f'ħamest iqratas, lesta biex tinbiegħ. 

Hu ingħata l-liberta proviżorja fuq depożitu ta' €300 u €5,000 garanzija personali. L-avukati Franco Debono, Marion Camilleri u Angie Muscat dehru għall-akkużat.

Sadattant Il-Kumitat ta' Żebbuġ Rangers ħareġ stqarrija fejn pubblikament idissasosscja ruhu mill-barman Philip Sawyer.

Huma qalu wkoll li immedjatament itterminawlu l-kuntratt tiegħu għat-tmnexxija ta' dan il-bottegin u dan sabiex jissalvagwardjaw l-interess tal-club u fuq kollox is-sigurta' u sahha tal-mijiet ta' tfal u żgħażagħ li jiffrekwentaw it-training ground biex jitħarrġu fil-logħba tal-futbol.

Fl-aħħar nett, il-kumitat ta' Zebbug Rangers FC iddikjara li se jieħu l-passi kollha meħtieġa biex il-faċilatijiet sportivi tiegħu jkunu postijiet ħielsa minn kull vizzju li hu ta' danni għat-tfal u żgħażagħ u li se jikkopera mal-forzi ta l-ordni biex dan iseħħ.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook