Kalanċ Team isiru rebbieħa Ewropej

Is-Segretarju Parlamentari għar-Riċerka, l-Innovazzjoni, iż-Żgħażagħ u l-Isport Chris Agius jawgura lil Chris Polidano u Kalanċ Team tar-rebħ tal-kampjonat FIA Top Methanol Dragster Europe. Hu jibgħat l-awguri tiegħu lil Monty Bugeja u t-tim Mr Whippy li hu t-tim Malti l-ieħor li kien qed jieħu sehem fl-istess kampjonat u spiċċa fit-tieni post.

Chris Polidano u Kalanċ Team kienu ddikjarati champions tal-FIA Top Methanol Dragster wara l-aħħar tellieqa li saret dan tmiem il-ġimgħa f’Santa Pod l-Ingilterra. Kalanċ Team kienu eliminati wara l-ewwel rawnd madankollu peress li l-uniku tim li seta’ jilħaqhom, jiġifieri l-Maltin l-oħra Mr Whippy, kienu wkoll eliminati Kalanċ Team kienu ddikjarati champions.