Intervista Lokali Barranin

Ġimgħa ta’ futbol eċitanti… b’diżappunt għal Maltin

It-Tazza tad-Dinja din il-ġimgħa offriet logħob spettakolari u riżultati sorprendenti. Fost l-oħrajn ġie ddikjarat it-tmiem tar-renju
Spanjol, iċ-ċampjins tad-dinja u tal-Ewropa li ġew eliminati wara biss żewġ logħbiet. Minkejja x-xalata ta’ gowls, ir-riżultati ftit li xejn
daħqu lis-segwaċi Maltin… L-Ingilterra ġiet eliminata diġà filwaqt li t-Taljani qed jirriskjaw l-istess xorti wara t-telfa sorprendenti
kontra l-Kosta Rika. James J. Piscopo jagħti ħarsa lejn x’ġara fl-aħħar jiem bir-ritratti.

James J. Piscopo / 22 ta' Ġunju 2014 15:49
L-ewwel jiem ta’ din il-ġimgħa ġew iddominati mill-‘mirakli’ tal-gowler Messikan Guillermo Ochoa, li salva diversi drabi r-riżultat għal pajjiżu kontra l-Brażil. Ironikament, Ochoa bħalissa jinsab bla xogħol wara li ma ġġeddidlux il-kuntratt. Għalkemm Ochoa kien strumentali biex il-Brażil ma jiskurjawx, xorta waħda wieħed jista’ jsemmi li anke f’din il-logħba l-Brażil ma mpressjonaw xejn u fadlilhom x’jaqdfu jekk tassew iridu jirbħu l-ewwel tazza tad-dinja f’arthom.

L-ewwel ħarġa tal-Portugall f’din il-kompetizzjoni kienet diżastruża. Id-difensur Portugiż Pepe (xellug) tkeċċa wara argument sħun li kellu mal-Ġermaniż Thomas Muller (lemin), tkeċċija li affettwat l-andament tal-logħba li spiċcat 4-0.

Luis Suarez skurja doppjetta kontra l-Ingilterra, fosthom din id-daqqa ta’ ras wara kontrattakk veloċi. Żewġ goals mill-attakkant ta’ Liverpool li bagħat lill-Ingilterra jippakkjaw lura għad-dar.

Kontra kull mistenni, Spanja kienet l-ewwel pajjiż eliminat minkejja li kienet meqjusa bħala waħda mill-favoriti għar-rebħa finali.

Quddiem ir-rebħa kbira kontra l-Portugall, qas il-kanċillier Ġermaniż Angela Merkel ma setgħet taħbi l-ferħ tagħha għal din il-prestazzjoni…

Jidher li l-attakk se jkun l-aqwa arma ta’ Franza, li f’żewġ logħbiet diġà skurjat 8 gowls anke jekk wieħed jista’ jgħid li l-oppożizzjoni dejjem kienet inferjuri; 5 kontra l-Isvizzera u 3 kontra l-Honduras.

B’din id-daqqa ta’ ras ta’ Bryan Ruiz, il-Kosta Rika ħadu t-tliet punti kontra l-Italja, u l-ewwel kwalifikazzjoni għal pajjiż li ssorprenda bil-bosta, telfa kontra l-Urugwaj tfisser eliminazzjoni għat-Taljani.

James J. Piscopo joined MaltaToday in 2013 after starting his career as a journalist with Newsbook.com.mt and RTK radio. He graduated in European Studies and International Relations from the University of Malta in 2012. Piscopo presented current affairs programme 'X'Hemm Gdid' on RTK radio before joining MaltaToday. Closely following national and EU politics, he interviewed several politicians such as European Socialists' leader Hannes Swoboda and EU commissioner Laszlo Andor among others. He also writes for Maltese language newspaper Illum.
Stħarriġ
Segwina fuq Facebook