Ħabta tħalli sewwieq ta' mutur isofri ġrieħi gravi

Il-ħabta seħħet dalgħodu fi Triq il-Priċipessa Margerita fl-Imsida

Albert Gauci Cunningham / 8 ta' Mejju 2019 12:18
Dalgħodu, għall-ħabta tas-7:30 am, il-Pulizija ġiet infurmata li kien għadu kemm seħħ inċident stradali fi Triq il-Prinċipessa Margerita, l-Imsida.

Il-Pulizija tad-Distrett marru immedjatament fuq il-post fejn minn stħarriġ preliminari illi sar, irriżulta li kien seħħ impatt bejn mutur tat-tip Kawasaki Ninja 250R misjuq minn raġel ta’ 33 sena residenti Ħal Kirkop u vettura tat-tip Landrover Freelander misjuqa minn raġel ta’ 24 sena residenti Tas-Sliema.

Fuq il-post issejħet ambulanza li ħadet lis-sewwieq tal-mutur l-Isptar Mater Dei sabiex jingħata l-kura meħtieġa. Aktar tard huwa ġie iċċertifikat li qiegħed isofri minn ġrieħi ta’ natura gravi. L-investigazzjonijiet tal-Pulizija għadhom għaddejjin

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.