Ħelsien mill-arrest liż-żagħżugħ li prova jsuq fuq pulizija nhar Ħadd il-Għid

Żagħżugħ li saq lejn il-Pulizija biex allegatament itajjarhom, jingħata l-ħelsien mill-arrest...

Albert Gauci Cunningham / 2 ta' Mejju 2019 17:21
Żagħżugħ ingħata l-ħelsien mill-arrest wara li allegatament prova jsuq fuq żewġ membri tal-korp tal-pulizija nhar Ħadd il-Għid. 

Iż-żagħżugħ minn Ħal Tarxien kien arrestat fi Triq San Ġużepp, il-Ħamrun fejn kien mwaqqaf minn pulizija tat-traffiku fuq ħġieġ tal-karozza 'tinted'. Hu kien għadu kemm waqqaf tfajla u tarbija fiż-żona ta' Mile End. 

Jidher illi ż-żagħżugħ irrifjuta li jobdi l-ordnijiet tal-Pulizija u rrifjuta illi jagħti ċ-ċwievet tal-karozza filwaqt illi saq fuq mutur tal-Pulizija. 

Ir-raġel wieġeb li mhux ħati għall-akkużi miġjubin kontrieh. 

L-akkużat ingħata l-ħelsien mill-arrest fuq depożitu ta' €4,000 u garanzija personali ta' €20,000 filwaqt li kien ordnat jiffirma l-għassa tliet darbiet kull ġimgħa u jkun ġewwa wara ċerta ħin.

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.