'Intom l-ambaxxaturi ta' Malta 24 siegħa kuljum'

L-ambaxxata Maltija fil-Belġju tilqa għall-ewwel darba lit-team nazzjonali Malti U/21

John Busuttil / 24 ta' Marzu 2017 14:17
ritratt: Ray Attard
L-ambaxxatur Malti, l-Eċċ. Ray Azzopardi stieden u laqa lit-team nazzjonali Malti fl-ambaxxata Maltija fi Brussell. It-team Malti bħalissa qed iġejji biex nhar it-Tnejn 27 ta' Marzu jilgħab kontra t-team tal-Belġju u għadu ġej minn telfa ta' 5-0 f'logħba ta' ħbiberija mal-Lussemburgu. It-team taż-żgħażagħ Malti kien akkumpanjat mill-viċi president tal-MFA Alex Manfre, mill-uffiċċjal tal-MFA Jesmond Abela, mid-direttur tekniku Robert Gatt, mill-kowċ Silvio Vella u mill-istaff tekniku tat-team. 

Ritratt: Ray Attard
Ray Azzopardi li fiż-żmien kien anke segretarju tal-Ħamrun Spartans fis-snin tal-glorja tagħhom tkellem ma' dawn iż-żgħażagħ Maltin fejn qal li din kienet l-ewwel darba li ambaxxata Maltija laqgħet lil xi team nazzjonali sħiħ. L-ambaxxatur malti għal Belġju kellem lil players żgħażagħ fejn qalilhom, "Lilna jseħulna ambaxxaturi u eċċelenza. Iżda intkom ukoll intkom ambaxxaturi tal-pajjiż u trid turu wkoll l-eċċelenza tagħkom billi tkun ambaxatturi tagħna 24 siegħa kuljum u mhux fuq il-pitch biss. Intkom barra li intkom ambaxxaturi intkom ukoll missjunarji għax biex taslu fejn wasaltu u aktar trid tagħmlu ħafna sagrifiċċji ta dieti u taħriġ. Taqtgħux qalbkom meta jkollkom telfa bħal tal-bieraħ għax minnha titgħallmu. L-importanti li tagħtu dak kollu li tafu għal pajjiż. Għalkemm li nirbħu hi sabiħa wkoll u tridu taħdmu għaliha."

ritratt Ray Attard
Diskors ta' motivazzjoni li ntlaqa tajjeb minn kull player fejn anke ingħataw memento tal-presidenza u anke sar riċeviment ċkejken tal-okkażżjoni.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.