Wara Bjorn Vassallo, issa jitlaq mill-MFA Chris Bonnett

Il-viċi President Chris Bonnett imur jaħdem mal-UEFA

John Busuttil / 28 t'Ottubru 2016 12:22
Wara li l-eks segretarju ġenerali tal-Malta Football Association, Bjorn Vassallo irriżenja mill-kariga tiegħu fi ħdan l-assoċjazzjoni bieximur jaħdem fl-uffiċċju tal-president tal-FIFA Gianni Infantino, issa kien imiss lil viċi president tal-MFA, Chris Bonnett.

Bonnett irriżenja mill-kariga tiegħu fl-MFA biex imur jaħdem mal-UEFA bħala Integrity Officer. B'hekk, l-MFA żgur li se titlef persuna oħra mill-aktar importanti u attiva fi ħdanha. L-eks sindku tal-Gżira kien imsemmi li kapaċi jieħu post il-President Norman Darmanin Demajo meta jiskadielu t-terminu tiegħu 'l fuq minn sentejn u nofs oħra. Chris Bonnet hu wkoll il-President tal-Inter Club Malta.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.