Jista' jkun li Alonso ħassu ħażin qabel ħabat mal-ħajt

Alonso jinsab rikoverat l-isptar ta' Barcelona wara inċident li kellu fir-raba' ġurnata ta' testijiet fiċ-ċirkwit tal-Katalunja

John Busuttil / 22 ta' Frar 2015 16:22
Is-sewwieq Spanjol tal-McLaren Fernando Alonso spiċċa barra mill-pista fir-raba dawra u baqa dieħel ġo ħajt. Skont l-ewwel informazzjoni Alonso kien f'sensih u lit-tobba kellimhom mill-ewwel. 

Hemm ipotesi li hu ħassu ħażin qabel daħal fil-ħajt speċjalment li hu deher jagħmel mossi strambi bil-karrozza. Iżda l-fatt li hemm min innota li hu nqqas il-veloċita qabel ħabat fil-ħajt juri li kien f'sessih qabel l-inċident. 

Alonso kien fir-raba ġurnata ta' testijiet tal-karrozza qabel il-bidu tal-istaġun tal-F1 u dan ġara wara sagħtejn ta' ġiri u wara 20 dawra fejn ħabat fir-raba liwja. Hu ttieħed bl-ambulanza sal-helicopter li ħadu immedjatament l-isptar fejn jidher li m'hemm xejn gravi u jinsab tajjeb iżda qed jinżamm għall-aktar testijiet. Hu qed jitkellem u f'sessih. Mad-daqqa baqa fil-karrozza meta għġamel xi 10 minuti stordut bl-impatt qawwi. 

Sebastian Vettel is-sewwieq tal-Ferrari  li raha l-inċident qal li Alonso ma kienx għaddej b'veloċita kbira, "iżda għamel manuvra stramba u telaq lejn il-lemin dritt għal ġol ħajt." 

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.