[RITRATTI] Ruma attakkata

miIl-partitarji Olandiżi ta' Feyenoord li għamlu ħerba minn Piazza di Spagna

John Busuttil / 19 ta' Frar 2015 19:50
Fuq kontijiet ta' Twitter tal-ISIS kien hemm min kiteb li l-ISIS iridu jattakkaw Ruma u kulħadd jitkellem dwar dan, iżda Ruma ġiet attakkata verament minn belt Ewropea oħra meta eluf ta' partitarji Olandiżi ta' Feyenoord qabel il-partita li t-team tagħhom qed jilgħab f'Ruma fl-Europa League għamlu ħerba minn Ruma, speċjalment minn Piazza di Spagna.

Il-partitarji Olandiżi iġġieldu bis-sħiħ kontra l-pulizija Taljana fejn tefgħu flares lejn il-pulizija u oġġetti oħra u diversi pulizija sfaw feruti. Hemm 9 pulizija feruti u tliet partitarji. Il-pjazza u l-famużi Spanish Steps spiċċaw mimlija bil-fliexken tal-birra u ħmieġ ieħor, filwaqt li l-funtana li għadha kif ġiet restawrata spiċċat b'xi ħsarat fiha.

Nhar l-Erbgħa wkoll kien hemm ġlied bejn il-pulizija u l-partitarji Olandiżi fejn 23 partitarju Olandiż ġew arrestati f'Campo de Fiori. 

 

 

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.